SOFAPAKA kupambana na Naivas FC Jumamosi kuwania kushiriki Ligi Kuu FKF

Dismas Otuke
1 Min Read

Mabingwa wa Ligi kuu nchini Kenya mwaka 2009 Klabu ya SOFAPAKA, watachuana na Naivas FC katika, mechi ya mchujo kuwania nafasi moja iliyosalia kushiriki Ligi Kuu msimu ujao.

Naivas watawaalika Sofapaka Julai 6 katika uwanja wa Kenyatta kaunti ya  Machakos, kabla ya marudio kuchezwa Julai 14 uwanjani humo SOFAPAKA ikiwa mwenyeji .

Mshindi wa jumla wa mchuano huo atashiriki Ligi Kuu msimu ujao.

SOFAPAKA maarufu kama ‘Batoto ba Mungu’ walimaliza katika nafasi ya 16 katika Ligi Kuu ya FKF.

Upande wao Naivas FC walifuzu kwa mchujo huo, baada ya kumaliza nafasi ya tatu katika Ligi ya NSL.

Tayari timu za Mara Sugar na Mathare United zimepandishwa  kushiriki Ligi Kuu  msimu ujao baada ya kutwaa nafasi mbili za kwanza.

Website |  + posts
Share This Article