Rais William Ruto amekutana na viongozi wa mashinani kutoka kaunti za Kisumu, Siaya, Homa Bay na Migori, huku akianza rasmi ziara ya siku nne katika eneo la Nyanza.
Kwenye mkutano huo ulioandaliwa katika eneo la meli kutia nanga katika kaunti ya Kisumu, Rais Ruto alizungumzia ajenda za maendeleo ya eneo hilo na jinsi ya kuliinua kimaendeleo.
Kama njia ya kumuenzi aliyekuwa kinara wao Hayati Raila Odinga, viongozi wa ODM walikubaliana kuimarisha ushirikiano baina ya chama hicho na UDA kupitia kwa serikali jumuishi.
Rais alitaja ufanisi wa serikali yake katika kipindi cha miaka minne iliyopita ikiwemo kukwamua miradi ya maendeleo na kutimiza nyingi ya ahadi zake za kabla ya uchaguzi mkuu uliopita.
Awali, Rais alihudhuria ibada katika kanisa la Voice of Salvation and Healing katika kaunti ya Kisumu.
