Waziri wa Utumishi wa Umma Geoffrey Ruku, amesema uwekezaji huo utafadhili madarasa zaidi, karakana, kambi, na vifaa vya usimamizi katika taasisi zote za NYS nchini.
Ruku, aliyemwakilisha Rais William Ruto kwenye sherehe ya kufuzu kwa makurutu wa NYS katika kambi ya Gilgil, kaunti ya Nakuru, alidokeza kuwa upanuzi wa miundombinu utafanikisha huduma hiyo kuwahifadhi makurutu 50,000 kila wakati.
“Hapo awali Rais aliagiza kuongezwa kwa makurutu wa NYS hadi 100,000 kufikia mwaka 2028. Idadi hiyo inapaswa kuambatana na upanuzi wa miundombinu, vifaa, pamoja na uwezo wa kuwahudumia wafanyakazi,” alisema Ruku.
Aidha, waziri huyo alidokeza kuwa mafunzo ya kiufundi pia utapanuliwa kuhakikisha makurutu wanafuzu wakiwa na ujuzi ulio na ushindani mkubwa kwenye soko la ajira.
