Washiriki zaidi ya 1,000 walijitokeza Jumapili kushiriki mbio za msitu wa Karura ambazo ni mojawapo wa maandalizi ya mbio za Standard Chartered Nairobi Marathon mwezi ujao.
Mbio za Jumapili zilishirikisha vitengo vya nusu marathoni, kilomita 10 na kilomita 5 na pia zilitoa uhamisisho kuhusu utunzaji wa mazingira.
Washiriki pia walipata fursa ya kutazama mbio za Berlin Marathon kupitia kwa runinga zilizotawaliwa na wanariadha wa kutoka Ethiopia.
Makala ya 23 ya mbio za Standard Chartered Nairobi Marathon yataandaliwa tareehe 25 mwezi ujao katika bustani ya Uhuru Gardens.
Mbio za mwaka huu zimewavutia wanariadha wapatao 30,000 kutoka mataifa 102, wakiwemo wanariadha 400 wa kulipwa.
