Maandalizi ya kuapishwa kwa Edward Rukidi Nyabongo kuwa Mfalme wa Tooro nchini Uganda yameshika kasi huku hafla ya uapisho wake ikiratibiwa kuandaliwa kesho Jumanne, Septemba 29.
Rukidi atamrithi Mfalme Oyo Nyimba aliyefariki mwezi uliopita akipokea matibabu nchini Marekani.
Rukidi, ambaye ni mwanahabari, alichaguliwa kuwa mfalme na kamati ya wazee kufuatia kifo cha mtangulizi wake.
Uapisho huo utafanyika katika Kasri ya Karuziika, hafla inayotarajiwa kuhudhuriwa na kuongozwa na serikali ya Uganda.
Ufalme wa Tooro ni miongoni mwa Falme tano za kitamaduni ambazo bado zinatambuliwa na serikali ya Uganda.
