Wanajeshi watano wa jeshi la Wanamaji wa Marekani hawajulikani walipo baada ya helikopta yao kuangukia kwenye milima ya California iliyofunikwa na theluji.
Helikopta hiyo aina ya CH-53E Super Stallion ilipatikana takriban maili 45 (72km) kutoka ilikotumwa baada ya timu hiyo “kuripotiwa kuwa muda wake umechelewa”.
Lakini hatima ya wanamaji hao watano haijulikani.
Walikuwa kwenye ndege ya mafunzo kuelekea Kituo cha Ndege cha Marine Corps Miramar, karibu na San Diego, mapema Jumatano.
Walikuwa wametumwa kwa Kikosi cha 361 cha Helikopta Nzito za Baharini, sehemu ya Mrengo wa 3 wa Ndege za Wanamaji.
Kikosi cha zimamoto kiliarifiwa kuhusu kupotea kwa ndege hiyo saa 02:20 saa za eneo siku ya Jumatano (10:20 GMT).
Wafanyakazi walitumwa eneo karibu na Ziwa Morena, California, kabla ya kupata ndege hiyo saa chache baadaye kwenye Bonde la Pine katika Milima ya Cuyamaca.
Waokoaji walikuwa “wakitumia vifaa vya ardhini na anga kuwatafuta wafanyakazi hao.
Juhudi za utafutaji zimezuiwa na theluji nyingi na hali ya baridi katika eneo hilo, maafisa walisema. Tukio hilo limetokea kufuatia dhoruba ya msimu wa baridi ambayo imesababisha mvua kubwa kunyesha na kuna inchi kadhaa za theluji katika maeneo ya milimani.
