Timu ya taifa ya raga ya Kenya kwa wanaume saba upande almaarufu Shujaa, imeilemea Madagascar pointi 15-12 na kunyakua taji la Mauritius Sevens kwenye fainali ya Jumapili.
Awali, Shujaa iliicharaza Afrika Kusini pointi 15-0 katika nusu fainali.
Afrika Kusini ilinyakua nishani ya shaba kufuatia ushindi wa alama 22-14 dhidi ya Burkina Fasso.
Aidha, Afrika Kusini ilishinda taji la wanawake kwa alama 22-10 dhidi ya wenyeji Mauritius.
