Rais William Ruto amefanya kikao na bilionea wa Nigeria Aliko Dangote kuhusu kiwanda cha kusafisha mafuta katika eneo la Lamu.
Ruto na Dangote walikutana mjini New York nchini Marekani pembezoni mwa Kongamano la Baraza Kuu la Umoja wa Mataifa (UNGA).
Mazungumzo hayo yalihusu ufadhili wa mradi huo ambao utapanua fursa za nishati ya Kenya na ukanda wote kwa jumla, kubuni nafasi za ajira na kuongeza thamani.
Punde kiwanda hicho kitakapokamilika, kitapanua uwezo wa Afrika Mashariki katika usambazaji mafuta na kuwainua kiuchumi wakazi wa eneo hili.
Rais yuko Marekani kuhudhuria Kongamano la 81 la Baraza Kuu la Umoja wa Mataifa litakaloanza kesho.
