Mashabiki milioni tano na ushei wameripotiwa kuhudhuria mechi za Kombe la Dunia mwaka huu katika viwanja 16 vilivyo katika miji 16 ya mataifa ya Mexico, Marekani na Canada tangu Juni 11.
Idadi hiyo ilifikiwa katika mechi ya raundi ya 16 bora kati ya Ufaransa na Uswidi uwanjani New York jijini New Jersey nchini Marekani, mechi iliyoshindwa na Ufaransa mabao 3-0.
Mashabiki hao ni rekodi mpya ya watu wengi kuwahi kuhudhuria fainali za Kombe la Dunia tangu zilipoasisiwa mwaka 1930.
Kama njia ya kusherehekea rekodi hiyo, wachezaji walioshinda Kombe la Dunia mwaka 1998 Blaise Matuidi na Youri Djorkaeff waliitwa kutambulisha na kumtuza shabiki nambari milioni 5 Raphaël Noufele aliye na umri wa miaka 25 kutoka Paris.
