Kampuni ya ndege ya Jambojet imerejelea safari zake kati ya Nairobi na Entebbe kwa mara ya kwanza tangu ilipositisha safari hizo kutokana na janga la Covid-19.
Hafla ya uzinduzi wa kurejelewa kwa safari hizo ilifanyika katika Uwnaja wa Kimataifa wa Ndege wa Jomo Kenyatta na Uwanja wa Entebne nchini Uganda.
Jambojet ilianza safari za kila siku kutoka Nairobi hadi Entebbe na Entebbe hadi Nairobi Oktoba mosi mwaka huu.
Kampuni ya Jambojet iliingia nchini Uganda kwa mara ya kwanza mwaka 2018.
Balozi wa Kenya nchini Uganda Ababu Namwamba alisema kurejelewa kwa safari hizo kutafungua fursa nyingi kati ya Kenya na Uganda na kuimarisha ushirikiano.
Aidha, Jambojet itaanzisha huduma ya usafirishaji mizigo ili kurahisha biashara baina ya Kenya na Uganda.
