Ethiopia imetangaza kubuniwa kwa serikali ya mpito katika eneo la Tigray, baada ya majeshi yake kuchukua udhibiti wa eneo hilo la Kaskazini mwa taifa hilo.
Kubuniwa kwa serikali hiyo ya mpito itakayodumu kwa muda wa miezi sita, kulitangazwa na Waziri Mkuu Abiy Ahmed siku ya Ijumaa, akidokeza kuwa Uchaguzi Huru utafanyika katika jimbo hilo.
Hatua hiyo inajiri baada ya vikosi vya usalama vya Ethiopia kuwafurusha wapiganaji wa Tigray People’s Liberation Front (TPLF).
Ethiopia imesema kuwa serikali hiyo ya mpito itabuni mazingira imara ya kisiasa katika eneo hilo la Tigray, ili kufanikisha kuandaliwa kwa uchaguzi huru.
Maafisa watano wameteuliwa kuongoza jimbo hilo, akiwemo Meya wa Mji Mkuu, Mekelle.
Siku ya Jumatano, Marekani ilitoa wito kwa pande hizo mbili kusitisha mapigano wakati wa mazungumzo ya simu kati ya Waziri Mkuu Ahmed Abiy na Waziri wa Mambo ya Nje wa Marekani Marco Rubio.
