Mwimbaji wa Uganda, Joshua Baraka, amesema kuwa hayuko tena chini ya usimamizi wowote.
Katika chapisho kwenye X, Baraka alisema sasa ni msanii huru, huku akielezea sababu iliyomfanya aachane na wasimamizi wake wa zamani.
“Hii ni taarifa isiyo sahihi. Sijasaini na usimamizi wowote mpya. Sasa niko huru kabisa na ninajenga timu yangu mwenyewe ninapojaribu kufanya mambo kwa njia yangu,” alisema Baraka.
Aliendelea kusema kwamba amekuwa na wasimamizi hao aliowataja kuwa ndugu zake kwa muda wa miaka mitano na sasa ni muda wake, “Kujitenga na kukua”.
Mwisho wa mwezi uliopita, taarifa zilisambaa mitandaoni zikidai kwamba Baraka alikuwa ameachana na wasimamizi wake, Lobstar na DJ Ssese.
Ripoti nyingine zilidai kuwa ratiba zake za maonyesho zilikuwa zikisimamiwa na Richard, meneja wa mpenzi wake, DJ Etania.
Baraka alipata umaarufu kupitia wimbo wake uliovuma “Nana”, uliotolewa mwaka 2023. Anaonekana kwa wengi kama mmoja wa wasanii wanaoweza kuipeleka muziki wa Uganda katika jukwaa la kimataifa.
