Rais wa Marekani Joe Biden amewaambia Wamarekani katika hotuba yake ya televisheni kwamba aliamua kusitisha kampeni yake ya kugombea tena uchaguzi kwa nia ya kuokoa demokrasia ya Marekani.
Biden, 81, alisema anahisi rekodi yake kama rais “ilistahili muhula wa pili” lakini kwamba “hakuna kitu kinachoweza kuja katika njia ya kuokoa demokrasia yetu”.
Alisema alimuidhinisha Makamu wa Rais wa Marekani Kamala Harris kuwaunganisha Wanademokrat wenzao na nchi.
Hotuba ya Ikulu ya White House iliashiria kuonekana kwake hadharani kwa mara ya kwanza tangu aondoke kwenye kinyang’anyiro hicho tarehe 21 Julai, na kuandaa njia kwa Bi Harris kuwania uteuzi wa chama hicho.
Mgombea urais wa chama cha Republican, Donald Trump, wakati huo huo, alisema kwenye mkutano kwamba Bi Harris alikuwa “mwendawazimu wa mrengo wa kushoto”.
