Rais wa zamani wa Liberia William Tolbert amezikwa upya Jumanne, miaka 45 baada ya kuuawa wakati wa mapinduzi na inaaminika mwili wake ulitupwa kwenye kaburi la halaiki.
Siku kumi baada ya kuuawa kwa rais, kufuatia kesi za mahakama ya kangaroo, wanachama 13 wa baraza lake la mawaziri walipoteza nyadhifa zao, wakafungwa kwenye vigingi na kisha kuuawa kwa kupigwa risasi kwenye ufuo karibu na kambi ya jeshi katika mji mkuu, Monrovia.
Hakuna maiti yoyote kati ya 14 iliyopatikana lakini kila mmoja alipata mazishi ya kitaifa katika hafla iliyohudhuriwa na Rais Joseph Boakai na viongozi wengine.
Tukio hilo linaonekana kama kitendo cha upatanisho na sehemu ya mchakato wa nchi kukubaliana na hali ya vurugu miaka iliyopita.
