Siku moja baada ya kumpiga kalamu Michael Carrick, Manchester United imemteua Mauricio Pochettino kuwa kocha mkuu mpya.
Pochettino, ametia saini kandarasi ya miaka miwili na nusu, akitarajiwa kuanza rasmi majukumu yake Novemba 18.
Kurejea kwake katika ligi kuu ya soka nchini Uingereza, kunampa fursa ya kuonyesha umahiri wake huku akilenga kuikwamua United ambayo inashikilia nafasi ya kushushwa daraja.
Kocha huyo raia wa Argentina ana uzoefu mkubwa katika soka la England, baada ya kuzifundisha Southampton, Tottenham Hotspur na Chelsea.
Manchester United imefikia makubaliano na Shirikisho la Soka la Marekani ili Pochettino pamoja na benchi lake la ufundi waachiliwe baada ya kukamilisha majukumu yao katika timu hiyo ya taifa.
Uteuzi wake unatarajiwa kuibua matarajio mapya miongoni mwa mashabiki wa Manchester United, wanaosubiri kuona mwelekeo mpya wa timu hiyo chini ya uongozi wake.
