Kenya imeagiza chanjo 10,000 za kuzuia maambukizi ya ugonjwa wa Ebola zitakazopewa wahudumu wa afya.
Mkurugenzi mkuu wa Afya Patrick Amoth amesema Kenya tayari imezungumza na shirika la afya ulimwenguni (WHO) na vituo vya Afrika vya kuzuia magonjwa ili kupewa chanjo hiyo.
Kenya imeagiza chanjo ya Everbo inayofanyiwa majaribio kuzuia virusi vya Bundibugyo vinavyosababisha ugonjwa wa Ebola.
Haya yanajiri huku Kenya ikiripoti visa tisa vya maambukizi ya Ebola ikiwemo kifo kimoja.
