Watu sita wanahofiwa wameaga dunia, wakiwemo abiria sita na rubani baada ya helikopta kuanguka katika eneo la Joshimath siku ya Ijumaa.
Helikopta hiyo ilikuwa ikirejea kutoka eneo la mahujaji la Himalaya katika eneo la Badrinath, ikielekea eneo la Dehradun, ajali hiyo ilipotokea.
Maafisa nchini India walisema ndege hiyo ilipoteza mawasiliano, huku wanaoelekeza safari za ndege wakishindwa kufahamu ilikokuwa.
Makundi ya waokoaji yanaendelea na shughuli ya kuwatafuta waliokuwa kwenye helikopta hiyo, huku chanzo cha ajali hiyo kikiwa bado hakijabainika.
Hata hivyo, mvua kubwa inayonyesha katika eneo hilo, imesababisha ukosefu wa kuona mbali katika eneo hilo lenye milima.
Kulingana na takwimu rasmi, eneo la Uttarakhand, limenakili ajali 12 za helikopta kati ya mwaka 2016 na 2026, na kusababisha vifo 21.
