Hali ya suitafahamu ingali inaghubika soka ya Kenya huku tarehe mpya ya kuanza kwa msimu wa mwaka 2026/2027 ikiwa haijulikani.
Akiwahutubia wanahabari siku ya Jumatatu, Rais wa Shirikisho la Soka nchini Kenya, FKF Hussein Mohammed alitaka kutolewa kwa maagizo mawili yanayokinzana kutoka kwa mahakama akisema yameibua mkanganyiko mkubwa ligini.
Agizo la Mahakama Kuu ya Murang’a la Septemba 18 lilisimamisha kuanza kwa msimu wa Ligi Kuu hadi pale mechi ya mchujo baina ya Kariobangi Sharks na Mombasa United itakapochezwa.
Siku moja baadaye, Mahakama Kuu ya Kiambu ilitoa agizo kwa FKF kutoa ratiba ya mechi za msimu huu ikijumuisha klabu ya Mombasa United bila kuchezwa kwa mechi ya mchujo.
Hussein aidha, ameelekezea kidole cha lawama kwa baadhi ya viongozi wa soka humu nchini akidai wanahujumu mchezo kupitia kwa siasa dunia za kibinafsi.
Ligi hiyo ilistahili kuanza rasmi Jumamosi iliyopita lakini ikasitishwa tena kutokana na agizo la mahakama.
Aliongeza kuwa shirikisho hilo linajadiliana na pande husika ili kupata mwafaka kuhusu mustakabali wa ligi kuu msimu huu.
