Rais William Ruto amesema Benki ya Dunia imekuwa mshirika muhimu kwa maendeleo ya Kenya, huku ikipiga jeki uwekezaji ambao unaboresha maisha na kupanua fursa za kiuchumi.
“Tunapoboresha ajenda ya maendeleo yetu ya maendeleo, Kenya itaendelea kushirikiana kwa karibu na Benki ya Dunia kuchochea ukuaji na kufanikisha matokeo bora kwa watu wetu,” alisema Ruto.
Aliyasema hayo aliposhiriki mazungumzo na Rais wa Benki ya Dunia Ajay Banga pembezoni mwa mkutano wa Kundi la Nchi Saba zilizostawi zaidi kiviwanda duniani, G7 jijini Évian, Ufaransa.
Kwenye mkutano huo, viongozi hao wawili walijadili vipaumbele kwa maendeleo ya Kenya na uwekezaji utakaosababisha ukuaji endelevu na wa pamoja.
Aidha, Rais Ruto alikaribisha mageuzi ya Benki ya Dunia kwenye mfumo wa fedha wa kimataifa utakaopanua upatikanaji wa fedha na kuimarisha matarajio ya mataifa yanayostawi.
Rais Ruto anawakilisha Afrika kwenye mkutano huo wa G7, kwa mwaliko wa Rais wa Ufaransa Emmanuel Macron.
